TIRANË– Ambasadorja e Shteteve të Bashkuara të Amerikës, Yuri Kim zbuloi ditën e sotme arsyen e takimit me kryeministrin Edi Rama. Në një postimi të bërë në ‘Twitter’, Kim tregon se në takimin që zgjati përreth 1 orë në ambientet e kryeministrisë, ishin të pranishëm ministri i Mbrojtjes Niko Peleshi dhe shefi i Mbrojtjes Arben Kingji. Kim thekson se ky takim ishte shumë produktiv, në të cilin shqyrtuan progresin historik për të forcuar bashkëpunimin në mbrojtje.
Kim shprehet se mezi pret të punojë ngushtë për të siguruar mbështetje për trajnime dhe për nevojat që u duhen. Ambasadorja shton të fund se mezi pret që të nisin përgatitjet për Defender Europe 2023.
“Faleminderit Edi Rama, Ministri i Mbrojtjes Niko Peleshi & Shefi i Mbrojtjes Gjeneral Kingji për një takim produktiv këtë mëngjes për të shqyrtuar progresin historik për të forcuar bashkëpunimin në mbrojtje. 2022 shënon vitin e pranisë së parë të qëndrueshme ushtarake. Ne mezi presim të punojmë ngushtë me të në 2023 për të siguruar që mbështetja për trajnime dhe pajisje plotëson nevojat, si dhe kërkesat e aftësive dhe ndërveprueshmërisë së #NATO-s. Gjithashtu presim me padurim #DefenderEurope2023 . Jemi krenarë që jemi gjithmonë #krahperkrah”, shkruan Kim.
