TIRANË– Sot, Dita Ndërkombëtare e Fëmijëve. 1 Qershori festohet në mbarë botën pasi në këtë datë është mbajtur Konferenca Botërore e Mirëqenies së Fëmijëve në Gjenevë, në vitin 1925. Në të njëjtën ditë, rastisi që konsulli i përgjithshëm kinez në San Francisko mblodhi së bashku një numër të konsiderueshëm fëmijësh jetim kinezë të festonin në festivalin e “Anijes së Dragoit”.
Përpos një ditë feste, kjo është një ditë që të gjithë institucionet dhe jo vetëm të kthejnë sytë nga fëmijët, të dinë e të dëgjojnë nevojat e tyre pasi fatet e kombeve janë në dorë të tyre si gjenerata e re që rritet. Nuk do të mungojnë edhe aktivitetet e larmishme që do të organizohen për ta bërë këtë ditë sa më të bukur për të vegjlit.
