TIRANË– Zgjedhjet vendore të 14 majit do i mbajnë deputetët larg nga punimet e Kuvendi. Gjatë fjalës së tij para gazetarëve Balla tha se deputetët do të jenë pranë zonave të tyre elektorale prandaj është propozuar në Konferencën e Kryetarëve një ngadëlësim i jetës parlamentare. Sipas tij kjo do të kompesohet pas zgjedhjeve.
Pyetje: Kur do e zgjidhni Avokatin e Popullit, para apo pas zgjedhjeve?
Taulant Balla: Dje në Kuvend, nënkryetarja bëri një njoftim për procedurën zgjedhore. Ajo iu referua traditës parlamentare sesi funksionon Kuvendi gjatë procesit zgjedhor vendor. Në rastin e zgjedhjeve të përgjithshme, Kuvendi mbyll punimet. Dje në Konferencë të kryetarëve e ngritëm si shqetësim, që Kuvendi të harmonizohet në axhendë me angazhimin elektoral. Deputetët do të jenë pranë qytetarëve në zonat e tyre, do të kemi seancë, jo çdo javë por ngadalësim të punës që të gjitha ditët të kompesohen pas datës 14 maj.
