TIRANË– Kur na ndajnë pak ditë nga zgjedhjet vendore të 14 majit Presidenti Bajram Begaj ka bërë thirrje për zgjedhje të lira dhe të ndershme. Gjatë fjalës së tij në një konferencë të përbashkët me presidentin polak që ndodhet në një vizitë zyrtare në vendin tonë Begaj tha që shpreson që partitë politike të mos i shpërthillin thirrjet e tij siç ka bërë deri më tani që sipas tij po zhvillohet një fushatë me gjuhë denigruese dhe fyese kundrejt kundërshtarëve.
Bajram Begaj: Zgjedhjet janë një moment ky për procesin e integrimi evropian. Vetë zgjedhjet janë tregues i rëndësishëm i maturisë së sistemit tonë demokratik. 14 maji është sfidë për institucionet shqiptare, partitë poklitike dhe për vetë shoqërinë. Zgjedhjet nuk janë të partive politike por të të gjithë shqiptarëve. Unë shpresoj që partitë të mos shpërfillin qytetarët siç shpërfillën presidentin kur bëri thirrje që retorika të ishte qytetare, jo denigruese, jo armiqësore,. Të kishte përplasje idesh dhe mendim dhe jo me retorikë të panevojshme. Unë dua të bëj një thirrje për pjesëmarrje në zgjedhje, si e drejtë kushtetuese por edhe detyrim moral dhe qytetarët për kombin dhe për veten tonë. Çdo qytetar duhet ta ushtrojë të drejtën e votës. Administrata ka shumë rëndësi. Çdo faktor duhet të angazhohet që të kemi zgjedhje transparente, të lira dhe të ndershme. Ky është një detyrim që ia kemi qytetarëve shqiptarë, që ka të bëjë me standardin zgjedhor më të lartë.
