TIRANË– Kryetari i Partisë së Lirisë Ilir Meta ka zhvilluar këtë të mërkurë një takim elektoral me shtabin drejtues të Tiranës. Gjatë fjalës së tij Meta u shpreh se më 14 maj çdo qytetar duhet të votojë për ndryshimin dhe për rikthimin e llogaridhënies. Po ashtu nuk munguan akuzat nga kryeministrit Edi Rama.
Ilir Meta: Deri në 14 maj na duhet punë, vrap për t’i treguar çdo qytetari të votojë ndryshimin. Qytetarët e Tiranë dhe Shqipërisë nuk mundet që këtë moment të rëndësishëm për demokracinë dhe të ardhmen e kombit tonë, ta neglizhojnë, Duhet ti japim fund eksperimenteve me kombin tonë. Ajo që e mbron Shqipërinë është vota, ju bëj thirrje që çdo sekondë ta kalojmë me të afërmit tanë, komshinjtë tanë, edhe me punonjësit e administratës. Sot është dita e lirisë së shtypit dhe siç e dinë Shqipëria është e fundit. Do të paguajmë 100 e ca mln euro për Becchetin për qefin e Ramës. Kanë nisur procese të tjera ndërkombëtare për shkak të veprimeve arbitrare që ka bërë kjo qeverinë. Është kjo liri që tmerron këtë pakicë uzurpatore dhe mbi të gjitha liria e zgjedhjeve që po vjen për pak ditë. Ndaj edhe bën veprime antiligjore ndaj qytetarëve. Në vendin tim në vendin tënd , një kokë e çmendur të gjithë i çmend. Ndaj kjo kokë e çmendur ka vënë fytyrën e saj në 61 bashki duke treguar se ka 61 kukulla. Ramës i duhen që të firmosin fët e fët. Inceneratorët ekzistojnë vetëm në imagjinatën e Ramës, kukullat e tij nuk pranojnë të dali në asnjë debat.
