TIRANË– Zgjedhjet vendore të 14 majit duket se në Libohovë nuk do të “përplasin” vetëm dy forca politike por dhe dy koshërinj. Kjo pasi në kandidati i koalicionit “Bashkë Fitojmë” Adil Xhelili dhe kandidati i Partisë Socialiste Leonard Hide janë kushërinj të parë. I ftuar në “Euronews” Aalbania Xhelili u shpreh se pavarësisht garës dhe bindjeve të ndryshme politike ai mban një marrëdhënie korrekte me Hiden dhe se përshëndeten sa herë shihen në rrugë.
Gazetarja: Më ka ardhur një mesazh në telefon zoti Xhelili që më thotë se kandidati juaj përballë, kandidati i Partisë Socialiste është kushëriri juaj, është e vërtetë?
Adil Xhelili: Po është shumë e vërtetë. Është kushëriri i parë!
Gazetarja: Po si ka mundësi brenda familjes?
Adil Xhelili: Për këtë mund të pyesësh ministren Mirela Kumbaro dhe klanin e Partisë Socialiste në qark.
Gazetarja: Flet me kushëririn tani që jeni kundërshtarë?
Adil Xhelili: Po flasim, kur shkëmbehemi në rrugë flasim
Gazetarja: Nuk do flasësh më më duket se shoh që qenke ftohur me kushëririn!
Adil Xhelili: Unë jam një tip që politikën e kam mbajtur jashtë familjes dhe gjithmonë jam përpjekur që lidhjet familjare të mos ndikohen nga bindjet apo nga opinion. Si i tillë e kam parim nga të parët e mi që mos të vendosim politikën mbi familjen.
