TIRANË– Deputeti i Partisë Demokratike Flamur Noka ka akuzuar këtë të hënë Policinë, e cila sipas tij është e përfshirë në atë që ai e quan si “maskaradë zgjedhore” në blerjen e votave në zgjedhjet vendore të 14 majit.
Gjatë fjalës së tij në Komisionin e Sigurisë ku po raportonte zëvendësministri i Brendshëm Andi Mahila, për rolin e policisë dhe drejtorisë së gjendjes civile në procesin zgjedhor, Noka pyeti këtë të fundit se si mundet që Policia të shoqrojë personat e inkriminuar për të blerë vota.
Flamur Noka: Zgjedhjet ishin një maskaradë. Ka një rol të dorës së parë dhe ministria e brendshme. A është e pranueshme që oficerë policie të shoqërojnë kriminelë që të blejnë votën. Pse u transferuan 1.3 milionë zgjedhës nëpër bashki të tjera, do të thotë se rezultatin e ke paracaktuar. Mbi ç’bazë lidhore është bërë kjo?‘.
