TIRANË– Kryeministri Edi Rama ka ironizuar këtë të enjte nga foltorja e Kuvendit opozitën sa i përket rezultatit të zgjedhjeve vendore të 14 majit. Sipas Ramës Kamza dhe Tropoja i ktheu shpinën PD-së falë investimeve që janë bërë në këto qytete që deri dje shiheshin si bastione të së djathtës. Në fund i ftoi të shkojnë ti vizitojnë që ta kuptojnë më mirë se përse morën atë rezultat.
Edi Rama: Unë njoh në këtë grup njerëz që e meritojnë atë pagë, me respekt, por nuk janë as një e dy. Ka njerëz që me atë pagë jetojnë, ky nuk është vendi i kriminelave. Ka edhe ndonjë që nuk duhet të ishte këtu fare dhe duhet të ishte me kohë prapa diellit. Ky nuk është vendi i diellit. Këtu fus edhe pjesën tuaj më të madhe. Fakti që këtu çmendeni dhe ktheheni në bisha nuk ka lidhje me të vërtetën. E vërteta është që deputetit për misionin dhe punën që iu kërkohet, meritojnë pagën e propozuar. Kjo nuk diskutohet. Sa e bëjnë punën? Sa, sa? Këto nuk lidhet me sa rritet paga. Unë nuk e votoj këtë ligj. Unë vetë nuk e votoj. unë e kam bërë debatin e parë që nuk duhet të jetë në piramidë, por e mësova se kjo është e palogjikshme. Për popullin, duhet të respektoni nervat e tyre. Respektoni faktin që populli nuk duhet t’i qëllojë TV me shishe dhe pastaj dalim edhe ne, kush fle me qentë, gdhihet me pleshta. Kjo do t’ju rrisë ndonjë pikë edhe në zgjedhje. Patë sesi Kamza iu ktheu kurrizin, nëse doni të dini pse shkoni atje dhe shihni çerdhet dhe kopshtet. Pse asnjë familje atje nuk bëri protestë dhe liruan trasenë për rrugën? E dinë shumë mirë se ai njeriu që kanë atje, çfarë thotë e bën. Kamza iu bëri atë që keni merituar prej kohësh. Hajdeni me mua në Tropojë shiheni pse Tropoja iu ktheu kurrizin. T’ju them ku të shkoni dhe çfarë të shikoni. Kështu bëhen të gjitha me radhë. Rezultati ynë është sa vepra jonë edhe e juaja. Jeni bashkëpunëtorët më të mëdhenj në këtë rezultat. Një pjesë erdhi të na votojnë ne, të tjerë nuk shkruan.
