TIRANË– Kryeministri Edi Rama po mban një konferencë për mediat pas fitores së Partisë Socialiste në zgjedhjet vendore të 14 majit. Gjatë fjalës së tij nuk i kurseu kritikat për Komisionin Qëndror të Zgjedhjeve sa i përket procesit të identifikimit dhe votimit elekronik. Kryesocialisti tha se KQZ dështoi dhe se qeveria do të marrë masa.
Pyetje: Kam disa pyetje, si do i vlerësoni standardet e zgjedhjeve, si e lexuat raportin paraprak. Keni një fitore dhe humbje, besuat më shumë tek fitorja e Shkodrës apo tek humbja e Himarës. A mendoni se do të ketë zgjedhje të pjesshme?
Edi Rama: S’kam lexuar asnjë raport paraprak, zgjedhjet nuk kanë pasur asgjë të veçantë përveç dështimit spektakolar të KQZ për nisjen e pajisjeve. Kjo ishte e rëndë dhe tronditëse sepse pajijet elektronike kanë kushtuar lekë. KQZ është për atë ditë, është i pafalshëm dhe i pajustifikueshëm. Nuk do e lëmë me kaq këtë çështje, as kur pamë skenat e pajisjeve që hidheshin si arka bosh. Miliona, miliona euro për të garantuar shqiptarët për një proces më të sigurtë. Të tjerat janë gjëra që i kemi dëgjuar, sa i përket akuzave të opozitës, keni sinkronet, e kam parashikuar disa herë në takimet publike, por nuk parashikova shpejtësinë e mohimit të realitetit.
