KOSOVË– Presidenti Bajram Begaj ndodhet në Kosovë me rastin e 15-vjetorit të Pavarësisë. Ai u prit me ceremoni shtetërore nga homologia Vjosa Osmani. Gjatë fjalës së tij në Kuvendin e Kosovës Begaj tha se Shqipëria e mbështet Kosovës në rrugëtim e saj drejt BE. Kreu i Shtetit theksoi se brezave të rinj duhet t’i lënë trashëgimi bashkëjetesën, harmoninë dhe jo ndasinë.
Bajram Begaj: I uroj sukses në rrugëtim e Kosovës në BE. Shqipëria është pranë jush. Ka mbështetur dhe mbështet dialogun Serbi-Kosovë. Kosova është shtet i pavarur, qeveria serbe nuk e ka ndalur aktivitetin e saj kundër Kosovës. Angazhimi i BE dhe SHBA-së shpreh rëndësinë që ka Republika e Kosovës për të ardhmen në rajon. Ne i bëhemi mbështetës bashkëkombësve tanë duke promovuar mirëqenien . Gëzuar Ditën e Pavarësisë Republikës së Kosovës. Shtet përjetë.
