TIRANË– Me anë të një postimi të bërë në rrjetet e tij sociale, kryedemokrati Sali Berisha ka treguar se kryeministri Edi Rama ndodhet në një ishull dhe mungesa e daljeve të fundit publike nuk ka ardhur nga një virozë e stinës. Berisha shkruan se një “qytetar dixhital” i thotë se Rama ka 3 ditë që ndodhet në një ishull, në takim me hetues FBI-së, ku sipas tij kryeministrit Rama i është kërkuar që të bëhet i penduar i drejtësisë dhe të zbulojë lidhjen e tij me Charles McGonigal. Ndër të tjera thekson se edhe kryebashkiaku i Tiranës, Erion Veliaj është nisur menjëherë për në Nju York për të ndërhyrë në mënyrë që të nxjerrë nga situata Kryeministrin Edi Rama
“Rama në Ishull?? “Pershendetje Dr, smundja e Rames eshte diplomatike. Njoftimi i Dukes eshte i pa vertet. Rama ka qene prej tre ditesh ne nje ishull ne takim me hetues te FBI por edhe zyrtar te larte. Atij i eshte kerkuar: 1-te rrefej çdo gje si i penduar i drejtesise reth lidhjeve te tij me Mc Gonigal si dhe cdo gje rrethe oficerit te sherbimeve inteligjente, sigurimit te shtetit Agron Neza dhe superkeshilltarit te tij te erret Dorian Duçka. Rames i eshte kerkuar te deshmoj per lidhjet e tij me Mark Rossinin kontratat direkte me me Lou Bladel paraardhesi i McGonigal ne FBI. Nderkoh Erion Velia eshte nisur me urgjence per New York per te nderyre tek Aleks Soros per te ndihmuar apo per te shpetuar veten sepse edhe emri i tij lakohet shume here ne pjesen e dosjes qe nuk eshte papublikuar”, shkruan kreu i PD Berisha në Facebook
Ndërkohë pretendimet e kreut të Partisë Demokratike Sali Berisha vijnë disa ditë pasi u publikua dosja me aktakuzat për ish-agjentin dhe shefin e kundërzbulimit të FBI, Charles McGonigal.
