SHBA- Fituesja e titullit të Miss America 2023 është një 20-vjeçare e shkëlqyer me mësime. Grace Stanke thyen stereotipet e bukurisë dhe inteligjencës, dhe planifikon që një ditë të parandalojë SHBA-në të bëhet e varur nga qymyri si studente e inxhinierisë bërthamore.
Stanke, e cila përfaqësonte shtetin e Wisconsin, duket se ajo nuk e ka pritur fitoren e saj.
“Unë gjej gëzim në gjërat e vogla dhe kur kuptoj diçka kaq të vogël që e bën diçka të madhe sa një termocentral bërthamor të funksionojë, thjesht më mbush me jetë. Për gruan e re, vajzën e vogël, gjimnazisten që dëshiron të bëhet inxhiniere, por po lufton për çfarëdo arsye: mos harroni se jeni pioniere në këtë fushë”
20-vjeçarja, përtej nderit të saj, duket e gatshme të sakrifikojë gjithçka për të ndryshuar kursin e inxhinierisë bërthamore: “Amerika duhet të bëhet një burim energjie me karbon zero. Unë mbështes energjinë bërthamore dhe përmirësimin e komunikimit në lidhje me shkencën bërthamore me publikun e gjerë dhe inxhinierët bërthamorë, në mënyrë që të kapërcejë hendekun e të panjohurës midis dy grupeve”.
E pyetur në rrjetet sociale se çfarë dëshiron të jetë “trashëgimia” e saj, ajo tha:“Përgjigja më e mirë që kam është një analogji bërthamore. Unë dua të jem neutroni i hedhur në uranium për të filluar procesin e ndarjes në një termocentral. Unë dua të jem personi që frymëzon tre personat e ardhshëm për të vazhduar dhe për të marrë vendime të forta. Unë dua të jem personi që e shkakton atë ndryshim tek njerëzit dhe ndikon në brezat e ardhshëm”.
Miss New York Taryn Delanie Smith u kurorëzua nënkampionia e parë, ndërsa Miss Texas Averie Bishop u emërua nënkampioneja e dytë në ceremoninë e mbajtur në Mohegan Sun Arena në Connecticut.
Stanke si Miss Amerika do të udhëtojë nëpër SHBA për vitin e ardhshëm për të promovuar qëllimet e Organizatës dhe me fitoren e saj ajo synon të frymëzojë gratë e tjera për të ndjekur ëndrrat e tyre .
