Këngëtarja kolumbiane Shakira pavarësisht periudhës së vështirë që po kalon pas ndarjes nga partneri i saj Gerald Pique nuk rreshti së publikuari këngë, të cilat të gjitha kanë qenë hite dhe gëzojnë shumë popullaritet. Duket se ditët e vështira ia kanë lënë vendin ditëve të bukura pasi këngëtarja pritet të marrë çmimin Michael Jackson Video Vanguard Award nga MTV, duke u bërë kështu artistja e parë e Amerikës së Jugut që do të marrë çmimin në shtëpi.
Eventi do të mbahet më datën 12 shtator, ku Shakira do të jetë e pranishme për të performuar. Sponsori kryesor i këtij eventi do të jetë Toyota. Gjatë vitit 2023 këngëtarja ka qenë në garë për një sërë çmimesh duke u paraqitur në garën për bashkëpunimin më të mirë, latinishten më të mirë dhe artistin e vitit.
Bruce Gillmer, Presidenti I Muzikës në Paramount është shprehur kështu për këngëtaren:
“Shakira është një forcë e vërtetë globale që vazhdon të frymëzojë dhe të ndikojë masat me aftësinë e saj unike muzikore. Ajo është një pioniere për gratë në mbarë botën dhe një nga artistet e para që udhëheq globalizimin e muzikës latine”.
“Ndikimi i saj masiv në peizazhin muzikor do të jetë i gjatë ndërsa ajo vazhdon të krijojë dhe argëtojë në nivelin më të lartë”.
