TIRANË– Kryetari i Partisë Demokratike Sali Berisha ka komentuar për herë të parë kallëzimin e bërë ndaj tij nga ministri i Drejtësisë Ulsi Manja në lidhje me vrasjen e katër protestuesve para kryeministrisë më 21 janar të viti 2011. Në një deklaratë për mediat nga selia blu Berisha tha se përgjegjësi kryesor është kryeministri Edi Rama, i cili në atë kohë ishte në krye të opozitës. Berisha tha se kallëzimi është një budallallëk i Ulsiut dhe se ai është pa imunitet.
Sali Berisha: Të mos merrem unë me budallallëqet e Ulsit, ai sillet si truprojë e Edi Ramës. A ia vlen ta komentojmë atë? Njeriu direkt përgjegjës, organizator kryesor është një dhe vetëm një Edi Rama. Kurrë nuk do t’i ndahet kjo akuzë.
