TIRANË– Gazetari investigativ Artan Hoxha është paraqitur pak minuta më parë në Drejtorinë e Policisë së Tiranës për të dhënë dëshminë e tij në lidhje me audiopërgjimin e nxjerrë nga ai ku ditën e 21 janarit dëgjoheshin efektivët e Gardës së Republikës duke biseduar me njëri-tjetrin deri në urdhrin për vrasjen e katë protestuesvce. I ndalur për një komunikim me kolegët që e prisnin jashtë Hoxha u shpreh se kryeministri Edi Rama dhe paraardhësi i tij Sali Berisha janë dy personat që duhet të merren në pyetje lidhur me këtë ngjarje. Hoxha nuk i kurseu as batuat nga dera e Policisë së Tiranës. Ai tha se ka ndjekur këshillën e dhënë nga avokati Maks Haxhia për tu veshur trashë pasi do të qëndrojë gjatë para hetuesve.
Artan Hoxha: Rama e Berisha duhet tu japin përgjigje vajzave të atyre katër personave që u vranë. Kush e vrau Akeks Nikën? Kush e vrau Hekuran Dedën? Kjo është ajo që duhet zbuluar. Për fat të mirë kemi një autor për vrasjen e Veizit. Nuk ka rëndësi se cili kryeministër e jeo përgjigjen, i sotmi apo i djeshmi, të dy bashkë duhet të japin një përgjigje. Unë i jam përgjigjur thirrjes së Prokurorisë, mesa pashë në komunikimin e bërë public, detyra i është lënë policisë së kryeqytetit. Duke ndjekur moton e avokatit Maks Haxhia që ka thënë se kush do të vijë këtu në kohë dimri duhet të vishet trashë, siç e shikoni, unë jam veshur me pallto leshi, me triko leshi. Kështu që kam ndërmend të rri gjatë. Falemindeirt, shihemi më pas.
