TIRANË– Sekretari i Përgjithshëm i Partisë Socialiste Damian Gjiknuri ka akuzuar ish-ministrin e Brendshëm Lulzim Basha dhe ish-kryeministrin Sali Berisha si përgjegjës për vrasjen e katër protestuesve para Kryeministrisë më 21 janar 2011. Duke folur nga selia rozë Gjiknuri tha se përfshirja e Bashës është e provuar dhe se ai ka zbatuar urdhrin e Berishës. Numri dy i socialistëve i kërkou SPAK të hetojë çështjen.
Damian Gjiknuri: Sot bëhen 5 ditë që opinioni publik u njoh me fakte të reja. Përmban të dhëna për fakte të reja që nuk i janë nënshtruar ndonjëherë hetimeve. Dallohet qartë se janë dhënë urdhëra. Faktorët janë në audio se vrasjet janë kryer me dashje dhe jo nga pakujdesia. Përfshirja e Bashës rezulton e provuar, krijon dyshime se ndërhyrja e tij është bërë me porosi për të zbatuar urdhërin e Berishës. Provat e reja janë vendimtare. PS kërkon nga Prokuroria që të nisë hetimet. Duhet të zbulohet se përse Berisha dhe Basha ishin në krye të gardës, duhet zbuluar se kush e inskenoi planin, kush fshiu serverin e kryeministrisë me pamjet e kamerave. Për 12 vjet kemi mirëkuptuar këdo që gishtin e ka drejtuar edhe nga PS. Të dyshuarit kanë emra dhe mbiemër.
