TIRANË– Ministri i Drejtësisë e ka cilësuar ngjarjen e rëndë të 21 janarit të viti 2011 si një krim shtetëror. Duke folur në një konferencë për mediat nga Ministria e Drejtësisë Manja tha se katër protestuesit Ziver Veizi, Faik Myrtaj dhe Hekuran Deda dhe Aleks Nika u vranë nga arma e pushtetit. Ai i bëri thirrje Prokurorisë së Posaçme Kundër Korrupsionit dhe Krimit të Organizuar që të marrë në dorë dosjen hetimore dhe ti shkojë deri në fund.
Ulsi Manja: Kjo dosje nuk duhet që të vazhdojë dhe të bëjë ping-pongun e radhës nga një prokoror tek tjetri që bien me radhë nga Vettingu. Kjo dosje duhet që të kishte shkuar në SPAK që në ditën 1, si një sprovë themeli për këtë strukturë për t’u hetuar si krim shtetëror. Nuk dua të bëj prokrurorin dhe as të ndërhyn në punët e drejtësisë por e kam për detyrë që të kërkoj hetimin e të drejtës objektive. Prej që pas daljes së asaj kasete mbrëmë që të nisë hetimet të paktën kryesisht. Ajo kasetë tregon se 21 janari është krim shtetëror. Duket qartësisht se kush janë urdhëruesit se kush janë vrasësit e 4 qytetarëve në një kohë kur protesta ishte drejt shpërndarjes. Prokuroria e Tiranës ka hetim që zgjat prej 12 vjetësh, por edhe nuk ka konkretizuar asgjë. I kërkon Prokurorisë së Tiranës por edhe SPAK për të ndëshkuar krimet e zyrtarëve të lartë në këtë vend dhe një njoftim objektiv i 21 janarit pas daljes së asaj kasete. Bëmë refomën në drejtësi, presim që kjo drejtësi të bëjë drejtësi për 21 janarin. Nuk heton qeveria, por drejtësia. Provat aty kanë qenë, por sot SPAK dhe Prokruroria duhet që t’u japin përgjigje 21 janarit. Pres edhe tani që SPAK të nisë hetimet, nuk ka të bëjë hetimi i deritanishëm sikur është hetuar. Jo, është krim shtetëror dhe për këtë nuk është hetuar asnjë ditë. Edhe pse ato qytetarë u vranë nga pushkët e pushtetit. Sali Berisha e thotë më zë e figurë, e thotë më mburrje, madje e thotë do kisha marrë edhe vetë snajperin dhe do kryeja vrasje.
