TIRANË– Ministri i Drejtësisë Ulsi Manja ka bërë të ditur ditën e sotme se ministria që ai drejton do të dorëzojë ditën e sotme kallëzimin në Strukturën e Posaçme Kundër Korrupsionit dhe Krimit të Organizuar për çështjen e 21 janarit të cilën e cilësoi si një krim shtetëror ku shteti u kundërvihet qytetarëve. Në një konferencë për mediat nga Ministria e Drejtësia Manja tha se drejtësia duhet të marrë në dore provat e reja dhe të nisë menjëherë hetimet.
Ulsi Manja: Vrasja ngelet vrasje, është në rrethana rënduese kur ndodh në dritaret e kryeministrisë. Të thuash se nuk është hetuar organizatori është një alibi dhe krim i shëmtuar për të barazuar vrasësin me protestuesit. Cdo ditë ish kryeministri thotë po i vrau garda, madje thotë të isha në të njëjtat kushte do kisha marrë snajperin vetë për të qëlluar Ramën. Nuk kemi shpresuar deri dje te drejtësia që kishim. SPAK ka sprovën e vet për të hetuar këdo pavarësisht nga pozita që ka pasur dhe ka sot në hierarkinë e shtetit shqiptar. Sot do ta dorëzojmë kallëzimin. Dua ta mbyll me deklaratën që kam thënë. Nuk mund të barazohen urdhërdhënësit, vrasësit me protestuesit. Qytetarët do të protestojnë vetëm atëherë kur 21 janari të zbardhet plotësisht.
Sipas ministrit SPAK duhet tu japë përgjigje qytetarëve dhe familjarëve të viktimave se çfarë ndodhi më 21 janar. SPAK shton ministri duhet të marrë provat në dorë dhe të zbardhë gjithë ngjarjen, qytetarët sipas tij u vranë nga Garda e Repiublikës kur protesta ishte në fund të saj.
Ulsi Manja: 21 janari nuk është hetuar asnjë ditë si vrasje shtetërore. Fakti i bërë publik tregon qartë se ka asur një zinxhir komandues për të qëlluar ndaj protestuesit. I takon prokurorisë që ta marrë këtë prvë të re dhe të nisë hetimet. SPAK do duhet ti japë një përgjigje qytetarëve dhe familjeve të viktimave se çfarë ndodhi. Ish-kryeministri Berisha cdo ditë për 12 vite me radhë ka deklaruar se ato i vrau garda e Republikës, që sipas tij mbrojti kryeministrinë. Tani ka një fakt të ri që duhet të hetohet nga SPAK. Duhet të zbardhet e vërteta, 21 janari nuk ishte krim i rëndomt, ishin vrasje të pastra shtetërore, aq më tepër që u vranë 4 qytetarë kur protesta ishte drejt përfundimit. I kanë parë të gjithë pamjet, tashmë ka një provë të re që duhet të nisë hetimet për 21 janarin si krim shtetëror. Nëse ka një fakt të ri se ka pasur komunikime në radio me një grup të ngushtë kjo mbetet një ngjarje e pahetuar. SPAK duhet ta marrë këtë cështje, kushdo që ka qënë në këtë ngjarje të përgjigjet. Ne e kemi inkurajuar drejtësinë e re. Nëse ka qindra zyrtarë të hetuar për shpërdorim detyre, ne ende nuk e kuptojmë sesei një shpërdorim pushteti hezuitohet të cohet deri në fund.
