KORÇË– Detaje të reja kanë dalë në dritë nga përdhunimi i 23-vjeçares nga Ervis Rrapo kryeplaku i fshatit Rehova në Vithkuq të Korçës, I cili u arrestua këtë të enjte. Në një prononcim për mediat nëna e vajzës ka deklaruar se e bija nuk ka probleme të shëndetit mendor dhe se është përdhunuar nga Rrapo. Ajo ka treguar se vajza ka qenë e vetme në banesë dhe kur ata kanë hyrë e kanë gjetur të zhveshur dhe të tronditur. Ndërkohë për Rrapon thotë që ishte i pirë ndërsa për policinë shprehet se nuk iu janë përgjigjur duke iu thënë se janë pushim.
Nëna e vajzës: Erdhi burri dhe e gjeti me djalin e Aliut. Në korridor, në dhomë. Ne morëm në telefon policinë dhe ata nuk erdhën. Na thanë se ishin pushim. E gjetëm vajzën të zhveshur. Vajza nuk ka probleme mendore. Vajza tha se e zuri djali dhe…Ai kishte pirë. Unë i thashë që atë na sqarojë situatën, ai filloi dhe nuk na la fjalë pa thënë. Vajza u trondit.
