SHBA– Tre gra, të gjitha ish-anëtare të Kishës së Scientologjisë, e akuzuan aktorin Danny Masterson për sulm seksual në shtëpinë e tij në Hollywood nga viti 2001 deri në 2003. Ylli i serialit “That ’70 Show”, rrezikon deri në 30 vjet burg. Ai u nxor nga gjykata në pranga. Prokurorët argumentuan se Masterson ishte mbështetur në statusin e tij si një Scientologist i shquar për të shmangur përgjegjësinë.Juria e përbërë nga shtatë gra dhe pesë burra nuk ishte në gjendje të merrte një vendim për një akuzë të tretë pas një jave diskutimesh, duke përfunduar në bllokim në 8-4.
Një nga viktimat e tij, e cila u përdhunua në vitin 2003, tha në një deklaratë të cituar nga Associated Press :
‘Unë po përjetoj një sërë emocionesh komplekse – lehtësim, rraskapitje, forcë, trishtim – duke e ditur se dhunuesi im, Danny Masterson, do të përballet me përgjegjësi për sjelljen e tij kriminale’.
Gruaja e Masterson-it, aktorja dhe modelja Bijou Phillips, qau ndërsa ai po largohej. Masterson u akuzua për herë të parë për përdhunim në vitin 2017 gjatë kulmit të lëvizjes #MeToo. Ai u përgjigj duke thënë se nuk ishte akuzuar apo dënuar për një krim dhe se në klimën e asaj kohe “duket sikur prezumohesh fajtor në momentin që akuzohesh”. Akuzat erdhën pas një hetimi tre-vjeçar nga Departamenti i Policisë së Los Anxhelosit. Prokurorët nuk ngritën akuza në dy raste të tjera për shkak të provave të pamjaftueshme dhe skadimit të parashkrimit.
