TIRANË– Kryetari i Partisë Demokratike Sali Berisha ka “paralajmëruar” kreun e grupit të PS Taulant Balla dhe kryeministrin Edi Rama se nëse ndërhyjnë në vendim e Gjykatës së Apelit sa i përket ‘vulës’ së Partisë Demokratike atëherë revolucioni është i pandalshëm dhe ata do të futen brenda 3 minutave në Kuvend dhe se qytetarët do e nisin marshimin e tyre drejt Surrelit ku ndodhet dhe shtëpia e kreut të qeverisë. Deklarata e Berishës erdhi pas Balla gjatë fjalës në Kuvend u tha me ironi deputetëtve demokratë se me 3 mars kjo situatë në PD do të marrë fund.
Sali Berisha: Sot Taulant Balla njoftoi vendimin që do japë gjykata me datë 3, unë i them meqenëse ti je i pari që njoftove vendimin, të betohem para këtyre burrave, se ti dhe Edi Rama do bëheni përgjegjës personal për çdo akt armiqësor ndaj PD-së dhe opozitës shqiptare. Kudo që të fshihesh, në çdo vrimë miu, do të kapim dhe do të çojmë te Gentian Sharra. Për këtë Edi Rama dhe ti do jeni përgjegjës personalë. Për tre minuta, jemi brenda në parlament. Prandaj ikni. Po vendosëm, jemi në sallë! Po vendosëm, jemi në sallë, asgjë nuk na pengon! 3 marsi është dita e madhe, 3 marsi është ditë fitoreje për revolucionin. 3 marsi është dita e çdo shqiptari, është dita në të cilën bëjmë betejën për të sotmen dhe të ardhmen tonë. Edhe njëherë ju përshëndes shumë përzemërsisht, ta vazhdojmë betejën tonë. Në çdo rast, marshi drejt Surrelit, do jetë marshi ynë.
