TIRANË-Dita e sotme, 12 Qershor, shënon 32- vjetorin e partisë së majtë, Partisë Socialiste, ku Kryeministri i Shqipërisë Edi Rama, po feston ditëlindjen e partisë në Pallatin e Kongreseve.
Gjatë fjalës së mbajtur në përvjetorin e 32-të të partisë socialiste, Kryeministri ka falenderuar çdo të ri e të re që ka mbështetur Ps-në, ka falenderuar në mënyrë të veçantë Shkodrën demokratike dhe Vlorën Socialiste, Tropojën, Dibranët e Kuksianët të cilët votuan Ps-në dhe vendosën të ecin para duke lënë të shkuarën e ndotur pas.
Ndërkohë nuk ka ngelur pa përmendur qëndrimi i Beogradit dhe Prishtinës ndaj draftit të propozuar nga ai lidhur me krijimin e Asociacionit të komunave me shumicë serbe në veri të Kosovës.
“Nëse atyre u vjen më për mbarë të luajnë akoma luftash ndërkohë që as njëra palë dhe as tjetra nuk i hapin dot njëra tjetrës jo luftë por asnjë të shtënë që kapërcen kufijtë sepse aty është Amerikë dhe NATO.”- ka thënë ai.
Kryeministri Rama dhe Albin Kurti i kanë qëllimet e njëjta por rrugët për të shkuar në atë qëllim janë të ndryshme dhe kjo po vërehet çdo ditë e më shumë.
“Kokën lart dhe vetëm para, me bindjen se o e bëjmë ne o se bën askush tjetër Shqipërinë,” tha Rama, duke theksuar se partia socialiste është e vetmja parti në histori që nuk ka vrarë apo plagosur asnjë njeri për çështje politike.
Nëse partia nuk do të bëj punë, kundërshtarët shqipëtarë do të jenë padiskutim të shumtë në numër, prandaj pushtetarët duhet ti futen punes. “Mbase po bëhem i bezsdisshëm me këngën time me shqiptarët e pakënaqur, por jini të përgatitur ta dëgjoni gjatë, sepse pa e futur thellë gozhdë në kokë sot të vërtetën, nuk do i shpëtojmë dot shuplakës së tyre nesër kur t’u kërkojmë besimin. Duhet të nisim reflektimin e punën nga vetja siç kemi bërë në çdo zgjedhje.
Kemi nevojë për një projekt dhe organizim të ri. Duhet të shkojmë përtej PS”, tha Rama.
