MIRDITË– Banorët e Kaçinarit në Mirditë të cilët kundërshtojnë ndërtimin e katër HEC-eve në këtë zonë kanë dalë sërish këtë të hënë në protestë. Banorët e të paktën shtatë fshatrave shprehen për mediat se nuk do të lejojnë ndërtimin e tyre pasi do të ketë dëmtime të mëdha për mjedisin.
Banori 1: Kemi dalë edhe herë të tjera por tani po behet më e egër dalja. Edhe kafshë të ishim, edhe Enver Hoxha nuk na hiqte ujin dikur. Edhe në burgun e Spaçit nuk janë trajtuar ashtu. Kur nuk kemi këto të drejta… Duhet të vijnë të bisedojnë që të bëhet marrëveshje. Këtu s’ka marrëveshje, këtu ka hajdutëri. Po na hoqët ujin, na kanë hequr jetën. Do i vazhdojmë protestat..
Banori 2: Këtu nuk ka më të fuqishëm se ne që mbrojmë punën tonë dhe tokat tona. Do i vazhdojmë protestat deri në ditën e fundit dhe me gjak do i mbrojmë këto pasuri që kemi. S’mund t’i lejojmë të na prishin natyrën.
