KRUJË– Një aksident është regjistruar mbrëmjen e sotme në aksin rrugor Thumanë-Borizanë. Raportohet se një 37-vjeçar i identifikuar me inicilaet A.S ka përplasur një këmbësor. Mësohet se 70-vjeçari i identifikuar me inicialet A.X ndodhet në spital nën kujdesin e bluzave të bardha. Ndërkohë drejtuesi i mjetit është shoqëruar në polici.
NJOFTIMI I POLICISË:
Rreth orës 17:15, në aksin rrugor Thumanë-Borizanë, Krujë, një automjet me drejtues shtetasin A. S., 37 vjeç, ka përplasur shtetasin këmbësor A. X., 70 vjeç, i cili ndodhet nën kujdesin e mjekëve jashtë rrezikut për jetën. Drejtuesi i automjetit shtetasi A. S, është shoqëruar në ambjentet e Komisariatit të Policisë Krujë për veprime të mëtejshme. Grupi hetimor ndodhet në vendngjarje dhe po punon për sqarimin e rrethanave të aksidentit.
