SHKODËR– Tentativa e një 37-vjeçari të identifikuar me inicialet E.M për të kaluar 20 mijë euro të padeklerauara në Pikën Kufitare të Muriqanit ka dështuar. Poloicia pas kontrollit të imtësishsëm në vijën e dytë të kontrollit ka gjetur dhe sekuestruar eurot e fshehura në motorin e makinës. 37-vjeçari është vënë nën hetim.
NJOFTIMI I POLICISË:
Shërbimet e Policisë Kufitare të PKK Muriqan, si rezultat i kontrolleve të shtuara, me qëllim parandalimin dhe goditjen e krimeve kufitare, si dhe bazuar në analizën e riskut, kanë kaluar në vijën e dytë, për kontroll të imtësishëm, automjetin me drejtues shtetasin E. M. Nga kontrolli, shërbimet e Policisë konstatuan një hapësirë të modifikuar, me qëllim fshehjen e shumës 20 000 euro të cilat ky shtetas tentoi t’i kalonte në PKK Muriqan, pa i deklaruar sipas përcaktimeve ligjore në fuqi. Në vijim të veprimeve procedurale për këtë rast, specialistët e Seksionit për Hetimin e Krimeve të DVP Shkodër referuan materialet në Prokurori dhe nisi procedimi në gjendje të lirë për shtetasin E. M., 37 vjeç, banues në Kamëz. Gjithashtu, u sekuestrua në cilësinë e provës materiale, shuma 20 000 euro.
