DURRËS– Banorët e pallatit nr.21 në lagjen numër 6 kanë protestuar sërish këtë të hënë para bashkisë së Durrësit pasi shprehen se nuk kanë marrë bonusin e qirasë prej katër muajsh. Ata mbeten në qiell të hapur pas tërmetit të 26 nëntorit të vitit 2019. Sipas banorëve pallati i cili u shemb nga tërmeti është rindërtuar, por pavarësisht se shorti është hedhur dhe apartamentet janë ndarë, ata ende nuk po i marrin çelësat.
Banori: Jemi banor të të njëjtit pallat. Kemi ngel rrugëve, i lutem shtetit të na japë shtëpinë, ka katër muaj unë vetëm një ilaç marr 80 mijë lekë. Të vdesim nëpër shtëpiat tona, asgjë s’po kërkojmë. Shorti u hodh, atë ditë që u hodh shorti qesh duke vdes mes shkallëve dhe po më kapi një police.. na thanë për dy javëve, asgjë nuk morëm. Ka përfunduar komplet, ne po torturohemi nëpër rrugë. Bonusi dhe çelësa, ka 7 muaj që ka mbaruar pallati. Kemi katër muaj që s’kemi marrë bonusin.
