MAT– Plagosje me armë zjarri në Mat. Raportohet se Akil Dedja ka mbetur i plagosur pasi është qëlluar me armë zjarri nga Bashkim Koçi në orët e para të mëngjesit, Ky i fundit pas ngjarjes është larguar menjëherë. Përmes një njoftimi për mediat blutë e Matit bëjnë me dije se vjoin puna për kapjen e tij. Sipas Policisë ngjarja kan ndodhur pas një konflikti të çastit mes të plagosurit dhe autorit teksa të dy ishin duke pirë në lokal.
NJOFTIMI I POLICISË:
Vijon ndjekja për kapjen e autorit, shtetasit B.K., 38 vjeç. Shërbimet e Komisariatit të Policisë Mat, rreth orës 04.30, kanë marrë njoftim se një shtetas kishte shkuar në spital për ndihmë mjekësore, i plagosur me armë zjarri, menjëherë kanë organizuar punën për zbardhjen e rrethanave të ngjarjes, identifikimin dhe kapjen e autorit.
Falë veprimeve të shpejta është bërë e mundur identifkimi i autorit të dyshuar, shtetasi B.K., 38 vjeç, banues në Burrel, ku vijon puna për kapjen e tij. Nga veprimet e para hetimore dyshohet se këto dy shtetas kanë qenë në një lokal duke konsumuar alkool dhe pasi kanë dalë nga lokali, janë konfliktuar për motive të dobëta dhe shtetasi B.K., ka plagosur me armë zjarri pistoletë shtetasin A.D, 39 vjeç, i cili ndodhet në spital jashtë rrezikut për jetën.
Shërbimet e Policisë së Matit në bashkëpunim me strukturat hetimore të DVP Dibër, kanë shoqëruar në Komisariat 8 persona që dyshohet se kanë dijeni për rrethanat e ngjarjes. Grupi hetimor nën drejtimin e Prokurorisë vijon veprimet në vendnngjarje me qëllim zbardhjen dhe dokumentin e plotë të rethanave të ngjarjes.
