FIER– Një 45-vjeçar i identifikuar me inicialet G.L është arrestuar ditën e sotme në Lushnje pasi akuzohet për dhunë në familje. Ai ka ushtruar dhunë ndaj bashkëshortes së tij dhe djalit të mitur. Ndërkohë një 32-vjeçar është hetuar në gjendje të lirë pasi ka ushtruar dhunë ndaj një personi. Ndërsa një 52-vjeçar i identifikuar me inicialet F.P është vënë në pranga pasi dyshohet se ka përplasur me makinë një 68-vjeçar, i cili ndodhet në spital nën kujdesin e bluzave të bardha.
NJOFTIMI I POLICISË:
Vihet në pranga 1 shtetas, procedohet në gjendje të lirë 1 shtetas dhe shpallet në kërkim 1 tjetër, për vepra të ndryshme penale. Specialistët për Hetimin e Krimeve të Komisariatit të Policisë Lushnjë arrestuan në flagrancë shtetasin G. L., 45 vjeç, banues në Lushnjë, pasi ka ushtruar dhunë ndaj bashkëshortes së tij dhe djalit të tyre të mitur. Specialistët për Hetimin e Krimeve të Komisariatit të Policisë Fier referuan materialet në Prokurori dhe nisi procedimi në gjendje të lirë për shtetasin S. C., 32 vjeç, banues në Fier, pasi ka ushtruar dhunë ndaj një shtetasi tjetër. Specialistët e Sektorit të Qarkullimit Rrugor të DVP Fier referuan materialet në Prokurori dhe shpallën në kërkim shtetasin F. P., 52 vjeç, banues në Toshkëz, pasi dyshohet se ka përplasur me automjet, shtetasin F. M., 68 vjeç, i cili ndodhet në spital, nën kujdesin e mjekëve. Materialet procedurale i kaluan Prokurorisë, për veprime të mëtejshme.
