PEQIN– Një 49-vjeçare e identifikuar me inicilaet D.B është plagosur këtë të premte në vendin e punës, në një fabrikë të përpunimit të plastikës në Peqin. Mësohet se ngjarja ka ndodhur në mesditë ndërsa gruaja ka marrë lëndime në dorë. Ajo është dërguar për mjekim më të specializuar në spitalin e Elbasanit. Ndërkohë Policia po heton për zbardhjen e plotë të rrethanave të ngjarjes.
NJOFTIMI I POLICISË:
Peqin/Informacion paraprak Rreth orës 12:30, ka shkuar për të marrë ndihmë mjekësore në spitalin rajonal të Elbasanit, për shkak të një dëmtimi në dorë, shtetasja D. B., 49 vjeçe, e cila paraprakisht dyshohet se është dëmtuar gjatë procesit të punës, në një fabrikë për përpunimin e plastikës. 49-vjeçarja aktualisht ndodhet në kujdesin e mjekëve dhe është jashtë rrezikut për jetën. Grupi hetimor vijon punën për përcaktimin e plotë të rrethanave të këtij rasti.
