TIRANË– Pesë persona janë arrestuar këtë të enjte nga policia e Tiranës pasi akuzohen për vepra të ndryshme penale. Përmes një njoftimi për mediat blutë e kryeqytetit bëjnë me dije se të arrestuarit akuzohen për vjedhje, drejtimi i mjetit në gjendje të dehur si dhe plagosje. Kështu një 35-vjeçar i identifikuar me inicialet E.T u arrestua në flagrancë në tentativë për të vjedhur një banesë në rrugën “Milo Doçi”. Ndërsa një 52-vjeçar i identifikuar me inicialet A.P është vënë në pranga pasi ka plagosur me thikë në dorë kunatën e tij. Ndërkohë tre të tjerët akuzohen për shkelje të Kodit Rrugor.
NJOFTIMI I POLICISË:
Specialistët për Hetimin e Krimeve të Komisariatit të Policisë Nr. 2 arrestuan shtetasin E. T., 35 vjeç, banues në Tiranë, pasi u kap në flagrancë duke vjedhur në një banesë, në rrugën “Milo Duçi”.
Specialistët për Hetimin e Krimeve të Komisariatit të Policisë Nr. 3 arrestuan shtetasin A. P., 52 vjeç, banues në Tiranë, pasi në rrugën “Vangjel Noti”, ka dëmtuar lehtë në dorë, me mjet prerës (thikë), kunatën e tij.
Specialistët e Qarkullimit Rrugor arrestuan shtetasit:
– S. M., 23 vjeç, banues në Tiranë, pasi duke drejtuar automjetin, në gjendje të dehur, ka kryer manovra të rrezikshme, nuk i është bindur urdhrit të punonjësve të Policisë për të ndaluar dhe është larguar me shpejtësi. Gjatë largimit, 23-vjeçari ka humbur kontrollin mbi drejtimin e automjetit dhe për pasojë automjeti ka dalë nga rruga;
– V. S., 57 vjeç dhe F. A., 24 vjeç, të dy banues në Tiranë, pasi duke drejtuar automjetet, në gjendje të dehur, janë përplasur me dy automjete të tjera, me pasoja vetëm dëme materiale;
– Y. Ç., 26 vjeç, banues në Tiranë, pasi u kap duke drejtuar automjetin, në efektin e alkoolit.
Materialet i kaluan Prokurorisë, për veprime të mëtejshme procedurale.
