KRUJË– Rëndohet bilanci nga atentati mafioz ndaj shtëpisë së Gentian Bejtjes në Larushk. Mësohet se përveç kunatit të Bejtjes Ramazan Sino, 29-vjeç që mbeti i vrarë, janë plagosur dhe dy fëmijët e mitur të Gentian Bejtjes. Alvi Bejtja, 13 vjeç, i cili është në gjendje të rëndë për jetën dhe është transportuar drejt spitalit trë Traumës dhe vëllai i tij vetëm 8 vjeç. Ky i fundit ka marrë dëmtime të lehta dhe ndodhet nën kujdesin e mjekëve. “Shënjestra”e sulmit ka qenë Gentian Bejtja, por ky i fundit dhe këtë herë i shpëtoi atentatit ndaj tij.
Mësohet se atyre u është bërë prit sapo kanë hyrë në oboorrin e banesës. Autorët kanë hapur zjarr me bresheri duke lënë të vdekur në vend Sinon dhe plagosur dy djemtë e mitur të Bejtjes, të cilët ndodhen në spital nën kujdesin e mjekëve, njëri në gjendje të rëndë. Zbardhja e ngjarjes mbete e vështirë pasi zona nuk ka kamera sigurie pasi ato u hoqën nga Policia në kuadër të operacionit “Fijet”.
Ndërkohë makina e përdorur nga autorët tip “Volsvagen” është gjetur e djegur afër Tapizës. Brenda saj ishin dhe tre kallashnikovët e përdorur. Dhe ata ashtu si mjeti janë djegur plotësisht duke fshirë kështu çdo gjurmë që çon drejt tyre. Policia ka krehur zonën përreth por ende nuk ka asnjë provë që çon drejt atentatorëve apo organizatorët.
Kush është Gentian Bejtja dhe e shkuara e tij kriminale
Gentian Bejtja nuk është në emër i panjohur pë Policinë dhe drejtësinë si dhe ia ka dalë ti shpëtojë disa atentateve kundër tij. Bejtja u qëllua me armë zjarri së bashku me Klodian Stafukën mbrëmjen e 9 Janarit 2022. Ata u qëlluan teksa lëviznin me makinë pranë shkollës së fshatit Larushk në zonën e Fushë Krujës, ndërsa Bejtja mbeti i plagosur në krah.
Në shtator të vitit 2016, ndaj tij është organizuar një atentat me tritol. Bejtja po udhëtonte me makinën e tij tip “Tuareg”, me targë “AA 020 BH”, në fshatin Nikël të Krujës, kur nga poshtë mjetit shpërtheu eksplozivi që e dëmtoi rëndë në këmbë. Gjithashtu, Bejtja ishte personi që së bashku me Enver Stafukën vodhën makinën e përdorur në vrasjen e kryekomisar Dritan Lamajt në vitin 2013.
