TIRANË– Kryetarja e Kadastrës Dallëndyshe Bici u ka kërkuar ndjesë publike këtë të mërkurë qytetarëve për shkak të problematikave që kanë hasur në marrjen e shërbimit të proçedurës së përshpejtuar në Kadastër. Përmes një postimi në rrjetet sociale Bici shkruan se këto problematika kanë ardhur për shkak të kolaudimit të sistemit të ri elektronik që është implementuar në ASHK.
POSTIMI:
Në 24 orët e fundit, qytetarët kanë hasur vonesa në marrjen e shërbimit të proçedurës së përshpejtuar, e njohur si FASTRAK. Kjo për shkak të kolaudimit të sistemit të ri elektronik që kemi futur në ASHK prej fillimit të Korrikut, e që po na ndan me shpejtësi dhe vendosmëri nga e kaluara rrjepëse në kurriz të qytetarit. Sigurisht që me përjashtim të vonesës, nuk ka asnjë problematikë në dhënien e shërbimit. Megjithatë, personalisht dhe në emër të ASHK i kërkoj ndjesë kujtdo që ka hasur vështirësi gjatë këtyre orëve, duke siguruar se përveç shërbimit, do të marrë edhe rimbursim.
