TIRANË– Kryeministri Edi Rama duke folur në 65-vjetorin e festës së Universitetit të Tiranës, nuk ka lënë pas as batutat me kryetarin e Bashkisë së Tiranës Erion Veliaj, i cili në fjalën e tij tha se është fatkeqësi sot të dëgjosh se janë rritur njerëzit që besojnë në teoritë konspirative.
Kreu i qeverisë tha me humor se qeveria, shkenca dhe Universiteti nuk kanë kohë të merren me këto, por duke i dhënë votën Veliajt vitin e ardhshëm do të kemi më pak njerëz që besojnë se bota është e sheshtë.
“Do të mundohem të flas shkurt pa hyrë në brengat e Erjonit për votën e sheshtë apo për çipin në vaksinë, nuk jemi vetëm, e mban Amerika numrin e njerëzve që besojnë në budallallëqe. Por kjo nuk i takon as shkencës dhe as Universitetit të flasin për këto se kemi lali Erin që merret me këto. Por do të kemi mundësinë që duke mbështetur lali Erin me votë vitin e ardhshëm do të kemi më pak njerëz që besojnë se toka është e sheshtë”, tha Rama.
