Pas Britanisë, sistemi i kontrollit të trafikut ajror ra edhe në Itali, kryesisht në sektorin e Romës dhe në zonën më të gjerë të Italisë perëndimore. Ende nuk është e qartë nëse problemi është për shkak të një mosfunksionimi të sistemit të kontrollit të trafikut ajror në Itali apo një sulmi hakerësh.
Si pasojë e problemit, fluturimet drejt aeroporteve italiane dhe gjithashtu nga Italia Perëndimore drejt rajoneve të tjera të Evropës janë vonuar ndjeshëm.
Problemi filloi rreth orës 13:00 me rënien e sistemit të kontrollit të trafikut ajror në Britani.
Kjo nënkupton vonesa të gjata të fluturimeve nga aeroportet britanike drejt vendeve të tjera, përfshirë Greqinë, por edhe vonesa në fluturimet nga aeroportet evropiane jashtë Britanisë.
Një fluturim i Aegean që ishte planifikuar të nisej në orën 13:30 nga Eleftherios Venizelos për në Londër u shty për në orën 15:30. Por pas dy orësh në aeroplan, dhjetëra pasagjerë u udhëzuan të zbrisnin përsëri në aeroport ku po presin ende pa ditur orën e fluturimit për në kryeqytetin britanik.
Mësohet se Londra po udhëzon të gjitha linjat ajrore të anulojnë fluturimet sepse do të jetë shumë e vështirë të normalizohet situata edhe nëse kalojnë disa orë.
