PËRMET– Një 75-vjeçare në Përmet e identifikuar me inicialet F.D ka tentuar këtë të premte ti japë fund jetës duke u hedhur në lumin Vjosë. Fatmirësisht ajo është shpëtuar nga Policia dhe disa qytetarë që kanë qëlluar në vendin e ngjarjes. Pas nxjerrjes nga ujë ajo është dërguar menjëherë në spital dhe ndodhet nën kujdesin e bluzave të bardha.
NJOFTIMI I POLICISË:
Rreth orës 14:15, në hyrje të qytetit të Përmetit, dyshohet se është vetëhedhur në lumin Vjosë, shtetasja F. D., rreth 75 vjeçe. Menjëherë pas marrjes së njoftimit, në vendngjarje kanë shkuar shërbimet e Policisë, të cilët në bashkëpunim me qytetarët, kanë bërë të mundur nxjerrjen e kësaj shtetaseje, nga ujërat e lumit. Shtetasja F. D. u transportua në spital për të marrë ndihmën mjekësore dhe është jashtë rrezikut për jetën. Në vendngjarje ndodhet grupi hetimor i cili po punon për dokumentimin e plotë të rrethanave të kësaj ngjarjeje.
