DURRËS– Dy burra nga Elbasani bien sot në pranga nga policia e Durrësit, aktualishtë të moshës 64 dhe 65 vjeç, pasi akuzohen se kanë vjedhur portofolat dhe celularët e 8 shtetësave në sportelin e Spitalit Rajonal të Durrësit.
Dy burra nga Elbasani bien sot në pranga nga policia e Durrësit, aktualishtë të moshës 64 dhe 65 vjeç, pasi akuzohen se kanë vjedhur portofolat dhe celularët e 8 shtetësave në sportelin e Spitalit Rajonal të Durrësit.
Të arrestuarit, rezultojnë të dënuar më parë për të njëjten veprimtari kriminale. Shërbimet e Komisariatit të Policisë Durrës, kanë organizuar operacionin policor të koduar “Sporteli”, si rezultat i të cilit u arrestuan në flagrancë shtetasit: N.L 65 vjeç, banues në Kuçovë dhe N.I 64 vjeç, banues në Elbasan, të dy të dënuar më parë për vjedhje.
Nga veprimet hetimore për këtë rast, ka rezultuar se këta 2 shtetas, në bashkëpunim me njëri-tjetrin, janë autorë të 8 vjedhjeve të portofolave me shuma parash, dhe të celularëve të shtetasve të ndryshëm të cilët prisnin për të marrë shërbimet, në sportelin e Spitalit Rajonal Durrës, vjedhje këto të ndodhura gjatë këtij viti. Vijon puna, nën drejtimin e Prokurorisë pranë Gjykatës së Rrethit Gjyqësor Durrës, për zbardhjen dhe dokumentimin e vjedhjeve të tjera që mund të jenë kryer nga këta shtetas.
