ITALI– “Ndrangheta” merr një tjetër goditje të fortë nga policia. Raportohet se policia spanjolle dhe DEA amerikane kanë goditur një tjetër rast trafiku ndërkombëtar droge që lidhen me grupin famëkeq. Një italian dhe 6 gambianë përfunduan të arrestuar, 805 kilogramë kokainë u gjetën në një anije peshkimi 335 milje nga Dakar (Senegal) dhe u kapën. “Rai” shkruan se nga burime të sigurta nga një zëdhënës i policisë spanjolle, bëhet me dije se për grupin hetimet nisën në korrik të vitit të kaluar dhe u fokusuan në veprimtarinë kriminale të një organizate shqiptare të trafikut të drogës.
Hetimet nisën në korrik të vitit të kaluar dhe u fokusuan në veprimtarinë kriminale të një organizate shqiptare të trafikut të drogës. Organizata përveç bazës së saj në Spanjë kishte një infrastrukturë të gjerë detare në Brazil, nga ku merrte me qira varka të ngarkuara me ngarkesa të mëdha kokaine për t’i transferuar organizatës në zonën e Gjirit të Guinesë.
deaFalë informacionit të gjeneruar nga lëvizjet e varkave të organizatës, hetuesit arritën të përcaktojnë se njëra prej tyre ishte e ngarkuar me një sasi të madhe kokaine gjatë rrugës për në pikën e shkarkimit. Anija u kap 335 milje nga Dakar, pasi mori mallrat nga një anije amë.Brenda ngarkesës u gjet kokainë. Hetimet e mëvonshme zbuluan lidhjet e një pjese të ekuipazhit me ‘Ndrangheta’ kalabreze.
