TIRANË– I rikthyer në ekran pas pushimeve disa vjeçare, Gentjan Pjetri ose siç njihet ndryshe me nofkën ”Doktori” aktualisht nisi punën e tij si bashkëprezantues i emisionit të mëngjesit ”Kafe shqeto”. Pas deklaratave të tij ku foli për një periudhë të errët të jetës së tij jashtë botës së televizionit, varësia ndaj alkolit, Pjetri bëri një deklaratë tjetër tronditëse.
Në bisedë e sipër me të ftuarin e tij komedianin Uljad Bërdica, duke lënë pas shakatë ai u shpreh se ishte i birësuar nga një familje në Shkodër dhe se prindërit biologjik të tij nuk i njeh.
“Edhe unë jam i birësuar si ti dhe për mua prindërit e vërtetë janë ata që më kanë rritur dhe nuk ekzsiton asnjë tjetër përveç atyre. Ky është një rrëfim që nuk ja kam thënë njeriu dhe tani është hera e parë që e bëj publike këtë rrëfim.”
Para disa kohësh në rrefimin e tij për ”Glamour Zonë”, tregoi për një periudhë të errët të jetës së tij dhe varësisë ndaj alkolit, ai tha se në momentet e tij të vështira kur të gjithë i kishte kundër, ngushëllimi i tij i vetëm kishte qënë alkoli.
