“Polici e krimit”, tensionohet protesta para Ministrisë së Brendshme

Tensionohet situata para Ministrisë së Brendshme, ku po mbahet protesta e thirrur nga shoqëria civile për ngjarjen e Himarës. Me parullën “Polici e krimit”, një grup qytetarësh janë përplasur me policinë.

Qytetarë, aktivistë të shoqërisë civile dhe deputetë e mbështetës të opozitës janë mbledhur para Ministrisë së Brendshme për të protestuar për sigurinë në plazhe, pas ngjarjes së rëndë të një dite më parë në plazhin e Himarës.

Një pjesë e madhe e protestuesve para Ministrisë së Brendshme kishin marrë me vete fëmijët.

Vogëlushja 7-vjeçare Jonada Avdia u aksidentua për vdekje nga një skaf që drejtohej nga komisari Arjan Tase, i cili më parë kishte mbajtur edhe postin e kreut të Komisariatit të Himarës.