Autoriteti Kombëtar për Sigurinë Kibernetike ka zhvilluar për dy ditë me radhë një ushtrim praktik me përfaqësues të kompanisë CPX, nga Emiratet e Bashkuara Arabe.
Me anë të një njoftimi në rrjetet sociale, AKSK njofton se kjo stërvitje vjen në kuadër të bashkëpunimit strategjik mes Shqipërisë dhe Emirateve të Bashkuara Arabe.
Njoftimi i AKSK :
Autoriteti Kombëtar për Sigurinë Kibernetike (AKSK), në kuadër të bashkëpunimit strategjik me Emiratet e Bashkuara Arabe 
, zhvilloi për dy ditë me radhë një ushtrim praktik me përfaqësues të kompanisë CPX.
, zhvilloi për dy ditë me radhë një ushtrim praktik me përfaqësues të kompanisë CPX.
Qëllimi i këtij ushtrimi ishte forcimi i kapaciteteve institucionale dhe ndërsektoriale për parandalimin, reagimin dhe rikuperimin nga incidentet kibernetike, duke rritur qëndrueshmërinë e infrastrukturave kritike dhe besimin e qytetarëve në shërbimet digjitale.
Drejtori i Përgjithshëm i AKSK, z. Igli Tafa, theksoi rëndësinë e këtyre stërvitjeve, të cilat jo vetëm rrisin gatishmërinë e ekipeve teknike, por edhe forcojnë sigurinë kombëtare në një kohë kur sfidat kibernetike janë gjithnjë e më komplekse dhe me ndikim ndërkombëtar.
Ky aktivitet përbën një hap të rëndësishëm në rrugëtimin e Shqipërisë drejt ndërtimit të një ekosistemi të qëndrueshëm dhe të besueshëm kibernetik, në përputhje me standardet më të larta ndërkombëtare.
