TIRANË– Elhaida Dani është emri më i lakuar ditëve të fundit në mediat rozë. Lajmi i saj për lidhjen me partnerin e saj në kërcim, në Dancing With the Stars, Ledianin bëri bujë.
Por u dukë sikur publiku nuk e priti mirë këtë lajm, duke e paragjykuar e shprehur negativisht, duke e shënjestruar dhe bërë fajtore për ndarjen e Ledianit me partneren e tij, pas një lidhje 10-vjeçare.
Me sa duket Elhaida nuk e ka pritur mirë këtë gje, dhe komentet kanë ndikuar në gjendjen e saj emocionale.
Në një postim sot në Instagram, ajo është shprehur e prekur, “fajtore”, dhe mbase e penduar. Duke shprehur se mbase çdo gjë ndodhi shpejtë, mbase bëri gabim që e shprehu kaq hapur dashurinë e saj, madje duke kërkuar falje publikut për zhgënjimin që mbase u ka shkaktuar.
“E di që shumë prej jush po prisnit këngën time të re, por më përpara doja të flisja hapur, e të trajtoja një situatë që ditët e fundit ka shkaktuar shumë diskutime, dhe ndoshta lënduar disa prej jush. E kuptoj se si personazh publik veprimet e mia kanë peshë dhe ndikim, tek ato që më shikojnë dhe ndjekin. Jam gjithashtu e vetëdijshme se shumë prej jush më shohin si model frymëzimi dhe e kuptoj përgjegjësinë që më vjen nga ky rol. Si asnjëherë tjetër në karrierën time përtej bashkëpunimit profesional, përtej punës, ndjeva shkëndija emocione dhe shkëndija të sinqerta, të cilat nuk i përmbajta dot. Si artiste besoj shumë tek forca që rrezaton dashuria për të frymëzuar, reflektuar pozitivisht e për ti bërë njerëzit më të mirë. Ndaj kjo shpjegon dhe arsyen se pse vendosëm ti ndajmë me publikun ndjenjat që kemi për njëri-tjetrin. Megjithatë nga reagimet tuaja, kuptova që veprimet tona mundë të jenë dukur të nxituara pasi kanë shkaktuar indinjatë duke konsideruar disa rrethana të cilat ne i kemi sqaruar përpara se kjo mardhënie të niste. Më besoni që unë nuk kam thyer asnjë kod qoftë dhe moral. Por nuk jam unë personi që duhet ti sqarojë mirë për publikun. E ndjej që mundë të kem zhgënjyer disa prej jush dhe për këtë jam mërzitur sepse e di që dashuria dhe mardhëniet shpesh mundë të jenë komplekse. Prandaj në finale dua gjithësesi të kërkoj ndjesë, për çdo shqetësim që mundë të kem shkaktuar. Jam e përkushtuar të vazhdoj të punoj fort për të merituar si gjithmonë besimin dhe mbështetjen tuaj për të ecur përpara. Sinqerisht e juaja Elhaida“.
