TIRANË– Kryeministri Edi Rama ka bërë të ditur se nga pako e ndihmës që do të shpërndahet nga qeveria në janar do të përfitojnë shtresat në nevojë dhe pensionistët.
Në një postim në Facebook kreu i qeverisë ka njoftuar sot se pensionistët do të marrin 8000 lekë (të reja) secili nga Pakoja e Madhe për të zbutur impaktin e inflacionit të luftës.
‘Mirmengjes dhe me kënaqësinë e faktit se 695 mijë pensionistë do të marrin nga 8000Lekë (të reja) secili nga Pakoja e Madhe, ku do të kenë pjesën e tyre 1 milionë shqiptarë, që do të përfitojnë sipas kategorive deri në 20000Lekë (të reja), për të zbutur impaktin e inflacionit të luftës deri në fund të këtij dimri të vështirë për mbarë Europën, ju uroj një ditë të mbarë’, shkruan Rama.
