TIRANË– Kryetari i Partisë Demokratike Sali Berisha duke folur për debatin e ashpër mes deputetit demokrat Gazment Bardhi dhe kryeministrit Rama tha se kreu i qeverisë shpërtheu për shkak se nuk u mbështet marrëveshja për të votuar Ardian Dvoranin në këmbim të emrit për Avokatin e Popullit. Me këtë rast gjatë fjalës së tij Berisha u duk se mori dhe njëherë në “mbrotje” Gazment Bardhi për të cilin tha se nuk beson që ai të jetë autor i një marrëveshjeje me Edi Ramën për emrat e votuar në seancë.
Sali Berisha: Duhet të jemi të hapur. Përveç Alibeajt nuk di tjetër që të ketë mbështetur ato teza Shpërthimi i Edi Ramës ndaj Gaz Bardhit lidhej pikërisht me këtë. Jua them unë ju. Lidhjet me faktin se këta deputetë nuk i dhanë mbështetje marrëveshjes së realizuar. Ardian Dvorani ju premtua se do votohej dhe e lanë siç e meriton. U bë e qartë se kandidatura për avokat të popullit do të ishte Ilir Rusmajli. Ata si grup kishin preferencë për Ledio Brahon. Rama shpërtheu. Nuk besoj se ishte Gazi autor ë atë marrëveshje. Nëse kanë firmosur që ky kandidat apo ai kandidat të jetë ata nuk kanë firmosur që t’jua diktojë Rama.
