TIRANË– Kryetari i Partisë Demokratike Sali Berisha është shprehur se në parlament ka një opozitë që sipas tij përdoret si vegël nga kryeministri Edi Rama duke iu referuar kështu deputetit Enkelejd Alibeaj dhe disa deputetëve që mbështesin atë. Duke folur në konferencën e përjavshme me gazetarët por dhe të fundit për këtë vit kreu i selisë blu tha se ato janë në numra të parëndësishëm dhe se në tërësi deputetët përpiqen të mbajnë qëndrime parimore.
Sali Berisha: Mendoj se i gjithë veprimi pavarësisht se cfarë ngjyre duam t’i japim ka qenë shpëtimtar për PD, nuk ka qenë e nuk ka patur asgjë për interesin tim personal. Interesi im personal ishte tjetër, të përqendrohesha me të gjithë potencialin tim në betejën kundër mafies dhe Sorosit. E vërteta është që ndonëse modeste, por hapat në atë drejtim nuk munguan dhe rezultatet nuk munguan. Është e vërtetë që Rama siç ka përdorur Lul Bravën, po përdor pasardhësin e tij. Opozita e Bashës bëri lista për anëtarin e Gjykatës Kushtetuese dhe në fund rezultati ishte tallje e përqeshje për ta. Në fund u arrit marrëveshja pa pyetur deputetët që do votohej në parlament Ardian Dvorani se këtë donte Edi Rama dhe këto u premtuan. Kjo është tallje se e vërteta mund të kenë pranuar 1-2 vetë, të tjerët se pranonin Dvoranin. Ka një opozitë që e përdor si vegël Edi Rama, por është e parëndësishme. Në tërësi deputetët përpiqen të mbajnë qëndrime parimore
