LEZHË– Pjetër Toni, drejtori i Administrimit të Zonave të Mbrojtura në Lezhë dhe dhe 2 vartësit e tij të arrestuar në muajin qershor me akuzën e “Shpërdorimit të Detyrës” do të hetohen në gjendje të lirë. Ky është vendimi që mori ditën e sotme Gjykata e Lezhës. Toni do të gjykohën në masën detyrim paraqitje ndërsa dy vartësit e tij Armando Lleshaj, 27 vjeç specialist monitorimi dhe Tom Gjelaj, 63 vjeç, roje mjedisore, duke vendosur ndaj tyre masën detyrim paraqitje.
Vendimi është dhënë nga gjyqtari Artan Hajredinaj, i cili pranoi kërkesën e palës mbrojtëse për një masë më të butë ndaj tre zyrtareve të vënë nën akuzë, me argumentin se nuk përbëjnë rrezik largimi dhe prishje të provave. Ndalimi i zyrtarëve erdhi pas një hetimi disa mujor nga policia dhe prokuroria, për hedhjen e inerteve në mënyrë të paligjshme dhe tjetërsimin e pronave në zonën e mbrojtur të lagunës së Kune Vainit.
