TIRANË– Nëna e aktorit të humorit Albano Bogdo ka marrë sot një urim të veçantë për festat e fundvitit nga njeriu që siç thotë aktori e ka ndjekur prej më shumë se 30 vitesh tashmë në politike. Bëhet fjalë për kryetarin e Partisë Demokratike Sali Berisha, i cili pas një kafeje me Bogdon dhe Turjan Hyskon me kërkesë të aktorit i ka bërë një surprizë mamasë së tij, që është dhe një ndjekëse e flaktë e Berishës.
View this post on Instagram
Videon e bisedës mes tyre e ka shpërndarë në rrjetet sociale zëdhënësja e selisë blu Floriana Garo, e cila ka qenë dhe prezente në tavolinë. Në pamje duket aktori Albano Bogdo që flet me të ëmën dhe i thotë që po i kalon në telefon Sali Berishën kështu që ta lërë pazarin. Në këtë moment kryedemokrati merr telefonin dhe bisedon me nënën e aktorit të cilën e falenderon që e ka mbështetur gjithmonë si dhe i uron festa të gëzuara.
Sali Berisha: Alo, mirëdita dhe përshëndetje të përzemërta. Të falenderoj shumë mirënjohje për të gjithë mbështetjen e palëkundur që i ke dhënë PD dhe Sali Berishës.
Nëna e aktorit: Gëzuar, të falenderoj unë për mbështetjen tuaj. Rroftë Partia Demokratike.
