Ndërron jetë në Spitalin e Traumës 55-vjeçari i plagosur në Krujë
Luan Hushi, 55 vjeç i cili u plagos mëngjesin e sotëm në pyllin e fshatit Zgërdhesh të Krujës ka ndërruar jetë në Spitalin e Traumës.
Sipas informacioneve, mësohet se Hushi ka mbërritur në gjendje të rëndë dhe nuk ka arritur tu mbijetojë plagëve të marra.
Autori i ngjarjes Klodjan Keqi është në kërkim nga policia.
Sherri mes të dyve nisi për drutë e zjarrit, që më pas agravoi në përdorimin e armës.
Klodjan Keqi, e qëlloi në bark me kallashnikov 55 vjeçarin, i cili fatkeqësisht ndërroi jetë.
Krujë/Informacion shtesë
Në vijim të informacionit paraprak për një konflikt për motive të dobëta, gjatë të cilit shtetasi L. H. rreth 55 vjeç, u plagos me armë zjarri nga shtetasi K. Q., ju bëjme me dije se si pasojë e dëmtimeve të marra, shtetasi L. H. ka ndërruar jetë, në spital.
Vijin krehja e zonës, me qëllim kapjen e autorit të dyshuar.
