Në kërkim nga drejtësia italiane, 29-vjeçari kapet në Tiranë
![](http://www.mcntv.al/sites/default/files/2022-08-10/kerkim.png)
Një person i kërkuar nga drejtësia italiane për shkelje të ligjit mbi narkotikët është vënë në prangat e policisë në Tiranë.
Shërbimet e Forcës së Posaçme “Shqiponja”, në bazë të informacioneve të siguruara në rrugë policore, bënë kapjen dhe arrestimin provizor, me qëllim ekstradimin drejt Italisë, të shtetasit J. Gj., 29 vjeç, banues në Tiranë.
I riu ishte shpallur në kërkim ndërkombëtar, pasi autoritetet gjyqësore në Savona, Itali, kanë lëshuar urdhër arresti ndërkombëtar, për veprën penale “Shkelja e ligjit mbi narkotikët”, parashikuar nga Kodi Penal i Italisë.
Interpol Tirana, në bashkëpunim me autoritetet ligjzbatuese italiane, vijon procedurat për ekstradimin e këtij shtetasi.