TIRANË– Na ndajnë vetëm pak orë nga startimi i një viti të ri për të cilin shpresojmë të jetë më i mirë se ky që po lemë pas. Kur shumë njerëz janë mbledhur rreth sofrave familjare me të afërmit e të dashurit e tyre shumë të tjerë janë në krye të detyrës, dikush për të siguruar jetën tonë, dikush tjetër shëndetin tonë e shumë të tjerë për të na informuar për gjithçka ndodh.
Ata janë “heronjtë” e heshtur të çdo ditë por që në natën e ndërrimit të viteve i kujtojmë më shumë e kuptojmë më shumë sakrificen e tyre. Në këtë ditë feste për mbarë botën mjekët anembanë vendit meritojnë respektin e nderim tonë për kujdesin e përkushtimin e tyre.
Po ashtu me shumë respekt vlerësojmë punën e efektivëve të Policisë së Shtetit që në natën e ndërrimit të viteve janë më çdo rrugë e lagje për mbarëvajtjen e sigurisë. Në shi e në të ftohtë gjithmonë në krye të detyrëa. Mirënjohje e respekt për çdo zjarrfikës anembanë trojeve shqiptare e jo vetëm që gjatë këtij viti kanë rrezikuar veten në flakët e larta për të shpëtuar shumë jetë të tjera. Mirënjohje për ushtarët shqiptarë që mbajnë të sigurtë kufijtë tanë që tashmë janë euroatlantikë.
Nderim dhe mirënjohje për të gjithë punonjësit e pastrim gjelbërimit që janë aty për të bërë një punë të lodhshme por me qëllimin e madh. Mirënjohje nga gjithë stafi i Newszone për ju që jeni sot ashtu si çdo ditë tjetër në krye të detyrës. Po ashtu një përshëndetje për të gjithë kolegët gazetarë që në një vit të vrullshëm ngjarjesh politike e kronike dhe sot janë në terren e në zyrë për qëllimin e madh, informimin e publikut. Mirënjohje për çdokënd që sot feston në punë, në respekt e shërbim të qytetarëve dhe jo vetëm.
Gëzuar Festat të gjithëve, Newszone do të përcjellë tek ju lajmin e fundit nga atmosfera e ndërrimit të viteve në mënyrë që të gjithë ata që nuk janë pranë familjeve të tyre të festojnë me ne! Ne jemi familja e madhe e përbashkët e të gjithë shqiptarëve. Gëzuar!!!
