POGRADEC– Një fasoneri është përfshirë nga flakët pasditën e sotme në Pogradec. Biznesi fason është në pronësi të një personi të identifikuar me inicialet G.G.
Sipas policisë zjarri mund të letë rënë aksidentalisht pasi në çatinë e objektit po kryheshin punime për izolimin e saj. Bëhet me dije se fatmirësisht nga flakët nuk ka persona të lënduar por vetëm dëme materiale. Zjarrfikësja ndodhet në vendin e ngjarjes ndërsa grupi hetimor po punon për zbardhjen e plotë të saj.
NJOFTIMI I POLICISË:
Më datë 31.12.2022, rreth orës 15:50, në lagjen nr. 2 Pogradec, ka rënë zjarr në një fasoneri në pronësi të shtetasit G. G. Si pasojë e zjarrit janë shkaktuar vetëm dëme materiale. Nga të dhënat e para dyshohet se zjarri mund të ketë rënë për shkaqe aksidentale, pasi në një pjesë të çatisë së fasonerisë po kryheshin punime për izolimin e saj. Grupi hetimor po punon për sqarimin e plotë të rrethanave të ngjarjes.
